Қарорга мувофиқ, Ахборот технологиялари ва коммуникацияларини ривожлантириш вазирлиги рақамли иқтисодиёт ва электрон ҳукуматни ривожлантириш соҳасидаги ваколатли орган ҳисобланади.

Шунингдек, вазирлик ахборот тизимлари, ресурслари ва бошқа дастурий маҳсулотларни яратиш ва жорий этиш бўйича давлат органлари ва ташкилотларнинг лойиҳалари ва техник ҳужжатлари ҳамда қонун ҳужжатлари лойиҳаларини мажбурий экспертизадан ўтказади.

Президент ҳузуридаги Лойиҳа бошқаруви миллий агентлигида крипто-активлар ва блокчейн технологиясини жорий этиш бўйича ваколатлар сақлаб қолинади.

Вазирлик ҳузурида “Электрон ҳукумат лойиҳаларини бошқариш маркази”  ҳамда “Рақамли иқтисодиёт тадқиқотлари маркази” давлат муассасалари ташкил этилди ва уларнинг асосий вазифалари белгиланди.

Вазирлик марказий аппарати тузилмасида Аграр соҳада рақамли технологияларни ривожлантириш бошқармаси ва Геоахборот технологияларини ривожлантириш бошқармаси ташкил қилинди.

Fikr bildirish

Email manzilingiz chop etilmaydi. Majburiy bandlar * bilan belgilangan